Lønar- og starvsviðurskifti í sambandi við verkbann
Vegleiðingin allýsir hugtakið verkbann, og hvørji starvsfólk eru umfatað av verkbanni, og hvørji starvsfólk eru ikki.
Í vegleiðingini finnur tú svar upp á spurningar, so sum:
Eitt verkbann ber í sær, at arbeiðsgevarasíðan noktar arbeiðstakarum at koma til arbeiðis, og hetta er vanliga galdandi fram til, at sáttmálapartarnir hava gjørt eina semju og nýggjur sáttmáli tekur við.
Lønin hjá starvsfólki, sum er í arbeiðssteðgi (verkfalli ella verkbanni), skal verða afturhildin fyri tíðina, arbeiðssteðgurin stendur við.
Hetta er eisini galdandi fyri lønir hjá starvsfólkum, ið eru sjúkrameldaði, í barnsburðar-farloyvi, eins og í farloyvi við løn ella niðursettari løn. Goldin verða ikki frítíðarløn, frítíðar-ískoyti og eftirløn.
Starvsfólk vinna ikki starvsaldur, meðan verkbannið stendur við.
Starvsfólk kunnu ikki luttaka á skeiðum, meðan verkbannið stendur við.
Eru starvsfólk byrjaði á skeiði, tá verkbann verður lýst, er høvuðsreglan, at tey gevast á skeiðinum, tá verkbannið byrjar. Avtala kann tó í serligum føri verða gjørd um undantøk.
